(Questa glista n’è betg cumpletta: collavurai cun nus per la tegnair actuala ed ans tramettai Vossas dumondas. Nus As respundain gugent. Scrivai a nossaistorgia@rtr.ch)
L’inscripziun è indispensabla, sche Vus vulais deponer cuntegns, crear in dossier, agiuntar in commentari, inditgar Ma plascha, exprimer Vossa opiniun en il forum ed insumma per participar a quest project davart l’istorgia da la Svizra rumantscha e dal Grischun sin la plattafurma nossaistorgia.ch!
La veglia da participar ad in project davart l’istorgia da la Svizra rumantscha e dal Grischun ed in zic temp per publitgar agens archivs e/u crear e publitgar dossiers tenor Voss interess. L’inscripziun è gratuita e po vegnir annullada da tut temp. Ils utilisaders pon esser persunas singulas, gruppas (per exempel ina famiglia), associaziuns u instituziuns. Participar activamain al project pon ins be cun esser s’inscrits (avair in conto tar nossaistorgia.ch).
Tuttas funtaunas istoricas che stattan en relaziun cun l'istorgia da la Svizra rumantscha e dal Grischun: cartas postalas, catasters, fotos, videos, registraziuns audio, artitgels, testimonianzas, commentaris, etc.
Utilisar la plattafurma è gratuit. Ils custs da las activitads sin la plattafurma (mantegniment, svilups tecnics, monitoring editorial, moderaziun, etc. ) van a quint da Radiotelevisiun Svizra Rumantscha (RTR).
Vus pensais che Vossas fotos interessian en emprima lingia mo Voss parents? Mintgatant èn ellas dentant era d’interess per auters. La valur dals archivs da famiglia è ina dubla: per las emoziuns ch’ellas evocheschan, ma era sco funtaunas per il public che laschan reviver regurdanzas sumegliantas, ils medems lieus, eveniments famigliars ...! Voss archivs èn damai ina funtauna impurtanta per illustrar l’istorgia sociala e culturala da la Svizra rumantscha e dal Grischun. Igl è damai giustifitgà d’als preschentar sin ina plattafurma, nua che l’istorgia da tuts vegn scritta cun l’istorgia da mintgin.
RTR vul dar dapli valur a la lavur da las instituziuns participadas a la protecziun da las funtaunas istoricas en Svizra rumantscha e dal Grischun. Mediatecas, bibliotecas, archivs chantunals, museums ... davent dad oz elavura mintgin da Vus sia atgna pagina per preschentar las atgnas funtaunas. nossaistorgia.ch metta a disposiziun ina plattafurma communabla, sin la quala era las instituziuns pon crear in agen conto cun ina selecziun dals megliers documents en lur possess.
Per persequitar las activitads d'insatgi tanschi da s’abunar a ses profil. Questa acziun producescha in abunament. Il utilisader correspundent sa damai ch’el ha in abunà dapli, vul dir in utilisader dapli che persequitescha sia activitad.
Gea, la communitad sa cumpona da tut ils utilisaders da la plattafurma: instituziuns, privats, etc. Els s’obligheschan da suandar ina lingia editoriala e da respectar las cundiziuns generalas tenor las reglas da publicaziun.
I basta da s'abunar a quest utilisader. Questa acziun producescha in abunament. .
Las licenzas Creative Commons èn ina nova moda da tractar la dumonda dals dretgs d’autur. Sis licenzas renconuschidas sin plaun internaziunal permettan da depassar ils limits dal copyright, senza al annullar. Questas licenzas favuriseschan la cundivisiun e l’utilisaziun da creaziuns, sclerind a medem temp las autorisaziuns accordadas da l’autur. Tranter questas sis licenzas avain nus tschernì ina che garantescha la meglra utilisaziun controllada dals documents preschentads sin la plattafurma a l’extern da nossaistorgia.ch. La licenza inditgescha a tgi ch'il document è attribuì e precisescha ch’i n'è ni lubì da duvrar il document a moda commerziala ni d’al modifitgar.
Sa chapescha, sch’ella documentescha in eveniment social, cultural u politic da la Svizra rumantscha e dal Grischun. Las fotos dad oz èn ils archivs da damaun!
Gea, igl è pussaivel da memorisar ils agens documents sco sbozs per avair il temp da documentar ina foto u, per exempel, da tschertgar la data u il lieu precis, etc. Pir cura ch’il document è tenor Vus pront, pudais Vus al publitgar, vul dir al faschais Vus public e damai vesaivel sin la plattafurma.
Suenter avair tschertgà senza success en ils documents da la plattafurma, pudais Vus crear in dossier vid. Igl è ussa l’incumbensa dals auters utilisaders da respunder a Vossas dumondas cun documents, auters dossiers correspundents, artitgels, cussegls, etc. In’autra soluziun è da lantschar in appel en il forum.
I n’è betg necessari da s'abunar; las davosas actualitads effectuadas sin la plattafurma èn disponiblas en il menu, sut Activitads, sisum a sanestra en il menu da navigaziun.
En in tschert senn gea, cunquai che Vus essas envidà/-ada d’utilisar primarmain ils tags che As vegnan proponids.
Gea, Voss cuntegns pon vegnir commentads, modifitgads (precisar lieus, datas, etc.). Els pon survegnir in Ma plascha, vegnir cundividids, agiuntads a dossiers e sutdossiers, ad artitgels, etc.
In dossier è propi interessant, sch’el offra als auters la pussaivladad da cundivider ils documents u d’als consultar, d’agiuntar infurmaziuns ed illustraziuns, da far dumondas, e mintgatant era da svegliar in spiert critic. Per dapli infurmaziuns legiai las reglas per la publicaziun.
En quest cas surdai il dossier a la communitad ed al transfurmai en in dossier cooperativ. Igl è plinavant pussaivel da transferir da tut temp la responsabladad ad in auter utilisader da nossaistorgia.ch che conuscha il dossier ed è pront da surpigliar l’incumbensa.
En il mender cas pon ins s'adressar a la persuna responsabla da la plattafurma (nossaistorgia@rtr.ch).
Avant che crear in nov tema verifitgai, sche la tematica n’è betg gia vegnida tractada d’in auter utilisader. Utilisai per quest intent l’instrument da tschertgar. Sch’igl exista gia in dossier identic, èsi inditgà d’agiuntar ils agens cuntegns a quel. Sch’il dossier che Vus vulais crear, na persequitescha dentant betg las medemas finamiras, pudais Vus crear in nov dossier cun documents sumegliants.
Ils artitgels che Vus scrivais furman in’ovra inedida, da la quala Vus essas l’autur. Guardai da signar Voss artitgels.
Citats èn admess en ils artitgels da nossaistorgia.ch a cundiziun ch’ins numnia l’autur e la funtauna. Il citat duai esser in supplement a quai che Vus scrivais e na duai betg surpassar diesch lingias dal text d’origin. La reproducziun d’ina ovra scritta – entira u parziala – n’è betg lubida sin nossaistorgia.ch.
La correctadad dals nums da las persunas e dals lieus, da las datas, dals eveniments, da las finamiras e dals texts citads e la fadia che Vus dais cun la redacziun èn tut elements che augmentan la credibladad da la lavur publitgada ed en general la qualitad da la plattafurma.
Noss instrument da tschertgar è fitg effizient, tuttina na po el betg chattar in lieu u in num ch’è scrit fauss!
Radiotelevisiun Svizra Rumantscha (RTR) e la Fondation pour la sauvegarde du patrimoine audiovisuel da la Radio Télévision Suisse (FONSART) finanzieschan il project. Per donaziuns contactai per plaschair nossaistorgia@rtr.ch.
Da princip vegn spetgà da l’autur/da la persuna cun ils dretgs d’autur ch'ella s'occupia da la conservaziun e da l’archivaziun (a lunga vista) dals agens cuntegns. nossaistorgia.ch è numnadamain ina plattafurma da cundivisiun e da valitaziun dals documents e betg in lieu per archivar documents digitals.
Per raschuns praticas memorisescha la plattafurma datotecas derivantas da collecziuns privatas e da famiglia. Las datotecas da collecziuns instituziunalas, d’interpresas, d’associaziuns, etc. èn percunter archivads a la funtauna da las persunas cun il dretg d’autur ed i n’è previs nagina redundanza pertutgant l’archivaziun.
Per visualisar ils archivs instituziunals vegn ins da princip renvià a la pagina-web da las instituziuns sezzas. Ils cuntegns da RTR per exempel èn deponids sin ses agen server, e nossaistorgia.ch renviescha damai a quel.
Mintga utilisader è liber da tscherner ils cuntegns, las collecziuns ch’el vul deponer sin la plattafurma, a cundiziun ch’els stettian en connex cun l'istorgia da la Svizra rumantscha e dal Grischun.
Per las collecziuns impurtantas, surtut sch’ellas derivan d’instituziuns, vegn contactà ordavant la persuna responsabla per definir il meglier process d’integraziun.
nossaistorgia.ch è ina plattafurma digitala e cuntegna sco tala unicamain documents en furma da datoteca. Quai è er ina premissa primara per metter a disposiziun tals cuntegns (in dossier, artitgels multimedials, etc.) sin la plattafurma e per la cundivider a l’extern da nossaistorgia.ch.
nossaistorgia.ch na s’occupa damai betg da la digitalisaziun dals cuntegns ch’ella survegn; percunter stat in'equipa spezialisada a disposiziun per cussegls pratics u specifics, per inventarisar ils documents, digitalisar ed eventualmain utilisar sin la plattafurma. Per ans contactar pudais Vus trametter in e-mail a nossaistorgia@rtr.ch.
Ils formats acceptads sin la plattafurma èn ils sequents:
Concernent la qualitad da las fotos scannadas As recumandain nus 300 dpi, uschia offris Vus als utilisaders e visitaders da la plattafurma in maletg da qualitad che permetta da distinguer tut ils detagls.
Malgrà las segirezzas informaticas che vegnan applitgadas sin la plattafurma, na pudain nus betg impedir che utilisaders chargian giu Voss documents. Tuttina, sin basa dal tip da licenza che regla l’utilisaziun dal document ordaifer la plattafurma (tut ils dretgs resalvads, royalty-free, licenza «Creative Commons»), èsi en mintga cas pussaivel da lantschar ina persecuziun penala cunter il delinquent.
La plattafurma garantescha ina moderaziun generala dals cuntegns che ston esser confurms al reglament da nossaistorgia.ch (legiai las reglas da publicaziun).
nossaistorgia.ch resalva ils dretgs da supprimer tut ils cuntegns considerads tenor agen avis sco betg adequats u che cuntrafan a las cundiziuns generalas d’utilisaziun u al reglament preschent. Tut tenor la grevezza dal cas po nossaistorgia.ch er eliminar il conto dal utilisader en dumonda e tut ils cuntegns colliads.
Il moderatur ha l’incumbensa da survegliar che la plattafurma funcziunia bain, da defender il project editorial e da controllar che las cundiziuns generalas d’utilisaziun e las reglas per la publicaziun vegnian respectadas.
La moderaziun na verifitgescha betg l’exactadad dals documents: igl è Vossa incumbensa da garantir la vardaivladad e la valur.