Savognin - pouresser - la bena da grascha igl meis da mars.

Cò en maletg da Savognin, quartier da Naloz. Igl taimp anturn calonda mars ins nizzigiva per manar or la grascha. Las curtdagrschas eran amplaneidas e scu vehicel per manar la greva tgargia era la cazoppa pi adattada tg'igl tgar. Er nizzigiv'ins tal mument per metter sot la muias, ellas nivan giustradas per saveir trer pi tard igl tgar. Cun ellas faschev'ins la schi numnada "Fahrschule". Tot veva da neir amprandia scu adegna. Sen la fotografia vasainsa gist tres manadeiras. La gleisch da veia sen la pitga da vard dretga ans lascha saveir tgi chella fotografia dareiva siva digl onn 1918 cura tgins ò instrado la forza electrica an vischnanca. Forsa canoscha ensatgi la parsunga davant?? Ni so dar infurmaziuns sur digl metter sot la muia scu amprandista per trer pi tad igl tgar??