Dutregna viglia rumantscha da Surses

Siva tgi igls refurmatours igl 16avel secul vevan translato la bibla per neir pi manevel a sies simpatisants, on an madem er organiso igl adherents dalla cunter-refurma la translaziun dalla litteratura ecclesiastica ainten igl lungatg digl pievel. Tar nous vevan surtot igls paders caputschigns tgi derivavan an incumbensa digl uestg Carlo Boromeo ord l'italgia, precuro per igls codeschs bisignevels. L'amprema dutregna scretga an noss lungatg rumantsch da Surses, cattainsa igl onn 1673 scu "curta ductregna Christiana…" scretga da pader R. Bellarmin. Anfignen igl onn 1778 en cumpareidas anc 13 differentas ductregnas an noss dialect surmiran. Igl onn 1729 ò igl Pader Flaminio da Sale parfign elaboro en dicziunari cun instrucziun da grammatica. Co sen la foto vasainsa "La dotrina Christiana Bresciana, volveida dal Italian en rumantsch da Surses, Sotses per ordine digl Monsignor Illustriss et reverendiss Uldarico de Monte etc. Uldarico de Monte era igl uestg da Coira. Nous vasagn er tgi chesta ductregna è neida restampada da Joannes Pfeffer igl onn 1788.

Da chel taimp davigl betg anc ena scola scu ozande, tgiso tgitgi saveva liger, per franc betg las donnas, per talas davigl nigna scola. - ena qualificaziun tgi fiss oz betg pussebla…pero ainten las terras da conflcts anc da cattar, - scu stattigl lò?????