Nus analisain da moda anonimisada las infurmaziuns da noss utilisaders per pudair porscher in meglier servetsch e satisfar a lur basegns. Questa pagina utilisescha er cookies per analisar per exempel las activitads sin la pagina.Vus pudais specifitgar en voss navigatur las cundiziuns d'archivaziun e d'access als cookies.
La pagina tetgala: historiaHelvetica
Savognin - Radons - aviun d'ageid

Savognin - Radons - aviun d'ageid

1960
Romano Plaz, Savognin
Romano Plaz

Radons - Aviung - 1960

Igl onn 1960 è en aviung digl Typ "Piper" sa platgea a Radons per spindrar ena donna tgi veva sa fatg mal cun eir cun skis. Tals aviungs vevan da chel taimp gronda muntada, an Nagiadegna cun igl pilot e hotelier Fredy Wissel ed agl Valais cun igl pilot Hermann Geiger scu pioniers da sgol segls glatschers.

Helikopters eran da chel taimp tar nous betg ancunaschaints, igls amprem Helikopter tgi ò sarvia an nossa regiun, schi anavant ancunaschaint a mè, era tal tgi fascheva transports per la societad da pendicularas agl Piz Martegnas. Tal vign numno igl onn 1966, cura tgi gl'è nia biagia igl runal da Stanegn (òz sbuo). El tutgiva tar la Heliswiss.

I fiss interessant schi ensatgi digls lectours cunaschess encal parsunga e savess forsa parfign deir pi detagliedamaintg ensatge sur digl fatg ni am curriger sur da mias infurmaziuns ??!!

Comentaris:

Collet Peder Deploraplamaintg canoscha nignas persungas sen la fotografia. Ma am vign andamaint, tgi Albert Camen, da chels onns redactour da la "Pagina da Surmeir", veva fatg bel'aposta per chel evenimaint ena poesia.

Romano Plaz, co la poesia fatga dad Albert Camen, Riom

Anetg sagetta no digl Forbesch, faschond' canera en aviung - tirond scu l'evla las rudelas, sa platg'el lom, lò segls Fitungs! - Radons, intschess schi amparneval, ast vi platgea chel utschelung, tgi scu l'arblanga sies pulschagns, sot l'ala zoppa tants s-chiungs! - Segl clom d'alarm, noss Fredi Wyssel, sen sies Condor è prest sto nô, purtond ageid agl disgraztgea, tgi cun dolours schascheva lò!

Romano Plaz soura zitada poesia è scu da Peder Collet ventilo, cumpareida ainten la Pagina da Surmeir igl onn 1960 ed è componeida dad Albert Camen, Riom/Lai. Angraztg Peder, per la proposta.

Ursulina Gruber Bela poesia angraztg fitg

Jacobina Camen Angraztg Romano,

Jacobina Camen Ia pains tgi tat vess plascheir!

Arno Cadotsch Bun de Romano,

chel om davant cun igl pulover cler é mies bab.

El era sto aint a stagner giu la neiv per tg'igl aviun saptga sa platger.

Arno Cadotsch Forsa tgi mi mamma sò

Ti stos esser connectà per agiuntar in commentari
Nagin commentari il mument
Romano Plaz
612 contribuziuns
15 avrigl 2019
331 guardads
1 like
0 favurit
0 commentari
4 Collecziuns
Network:
Sponsurs:
16,186
810
© 2024 FONSART. Tut ils dretgs resalvads. Dissegnà da High on Pixels.