Sur - Furnatsch, anturn 1910

Ena fotografia ord la collecziun Zinggeler anturn igl onn 1910. Co passava la veia cantunala. Da mang sanester, siva la clavadeira vasainsa la tgesa dalla famiglia Cotti. Co fitg ancunaschainta a mè era Nesigna Cotti tgi manava anfignen ca. igl onn 1955 la posta. Ella era la postinenta prefereida. Dasperas manava ella cun confamiliars er l'ustareia an la madema tgesa. L'ustareia era bagn frequentada da viturigns e hosps, da chel taimp era igl "quintign", igl "vinarsign", las bavrondas prefereidas. La "birra" davigl angal da stad. Per tigneir a frestg la "birra" furniva la birareia igl sglatsch persiva. Caffe-crème davigl betg, Caffe ins baveva a tgesa seia. Las donnas gevan strousch ad ustareia, e schi angal an cumpagneia, preferivan igl "vermuth-kirsch". Scu speisa nivan sarveidas tratgas usitadas da tgesa, magara er vanzadeiras cun en ovanpaintg. L'ustareia è neida sarrada pac onns avant tgi Georg Signorell, impressari, ò biagia l'ustareia "Alp Flex"igl onn 1955 an vaschinanza. Davos, bagn vasibel, las gravas digl ual da Flex. Oz statt lo la posta cun buteia. (per l'infurm.lessa angraztger a Valerian Signorell)