Login

Inseri in num d'utilisader

Inseri in pled-clav

Jau hai emblidà mes pled-clav


Jau vi daventar commember da nossaistorgia.ch

Jau sun in'instituziun

Ils zenns da Pitasch - tuccau vegneva ei en roda!

Ils zenns da Pitasch - tuccau vegneva ei en roda!

Descripziun

Concordia seig mieu num, Latezia, pasch, ruaus mieu sun. Aschia stat ei scret sil zenn grond, culaus igl onn 1861 da Jakob Keller a Turitg. Tuccau vegneva  ei en roda, mintgamai ina  jamna per casada. Quei entochen 1990. Gliez onn ha la radunonza communala, suenter treis emprovas, decideu d'installar forza electrica per il tuchiez! Suenter quella decisiun plein emoziuns ha il pli grond adversari, igl anteriur cassier communal, da quella fatschenta priu il plaid e detg: " Vus vegnis bein buca a far cuosts pli gronds cun quei tuchiez mitgiert senza schar intunar ils dus zenns ed insumma era dumandar ensatgi dil fatg d'installar in tierz?

Quella proposta ha nies bien cassier communal buca fatg per las preits! En paucas jamnas ei l'offerta per in tierz zenn sco era intunar ils dus zenns  existents ad Aarau ensemen cul niev stada sin meisa. L'autra  radunonza lubescha ils cuosts unanimamein. Ina remarca d'in vischin ch'ei a mi aunc en buna memoria: "Quels da Duvin ch'ein 100 onns anavos a nus da Pitasch han daditg quater zenns en lur clutger, uras da reagar! " La davosa gada che nies tuchiez vegl ha tuccau d'ensemen ei stau per la sepultura da nies anteriur cassier e miu padrin Peter Gaudenz. Aschia ha igl iniziant principal dils treis zenns novs buca saviu udir quels a tuccar d'ensemmen, e quei cun forza electrica enstagl cun tarscheuls d'antruras. Era s'auda igl usit da far caluster ina jamna per casada tiel vargau. Nus sco affons fagevan bugen quei survetsch per habitontAs pli vegls e survegnevan adina in per raps!  

Commentaris

Agiuntar in commentari