Scola primara en plirs lungatgs!

In liug da scola ch'ei dat dapi biars onns buca pli. Sin la retscha davon stat sco quart scolar, Stefan Koch. Sia sora Monica, la mattatscha gronda ei il pli dretg. Lur geniturs, Balzar e Mengia Koch - Janki eran da quei temps migiurs d'in bein puril a Durisch, ina fracziun sper Dutjen. Avon haveva la famiglia per tscheins in bein puril a Giarsun, ina fracziun da Lavin.

Aschia ha la Monica frequentau l'emprema classa per lungatg vallader a Guarda. La secunda entochen la siatavla en scola tudestga a Valendau / Dutjen. Sco cruna dalla carriera en scola primara, l'otgavla e novavla classa per romontsch sursilvan a Pitasch. Ils geniturs han saviu cumprar il menaschi puril da Risch Koch a Pitasch. Oz viva Monica Caduff - Koch a Glion ed stat persula cun ses 85 onns en ina habitaziun en casa dil fegl. Stefan Koch viva a Cuera.