Igl artist Titus Lutz/Curaglia
Igl artist Titus Lutz/Curaglia
Igl artist Titus Lutz 1918-1993 / Curaglia
Titus Lutz ei staus ina personalitad cun dun da mistergner ed artistic.
Carschius si eis el a Curaglia.
El ei naschius sco secund da tschun affons dils conjugals Cecilia Lutz-Pally e Leonard Lutz ils 16 da schaner 1918. Il bab era bostger, ha baghegiau ensemen cun siu frar Martin l`emprema camona da Medel sin 2540 m. s.m. da 1907-1910, ei staus lennari e bostger entochen sia mort 1951. Ferton che Martin Lutz ei staus in oreifer scrinari da mobilias.
1947 marida el Trudy Dubs ed els secasan a Basilea, pli tard lu a Turitg. Els han giu sis affons.
Il Titus veva in maun ordvart talentau per scartira e dessegn.
Igl onn 1949 obtegn el il diplom da meister pictur.
Ses gronds mosaics: "Monas e minas" (Curaglia), "sogn Cristoffel" (Rueras), "Sontgaclau" (1981 ha il Titus procurau per il moesic dil patrun dalla casa Sontgaclau a Curaglia), "la guardia da fiug" (Curaglia) e "la via dalla crusch" (dad admirar ella baselgia da Curaglia), ein renomai, fetg expressivs e poetics.
Titus Lutz ha dessignau bia, era sin cheramica ed entagliau sutgas e bauns.
Lentira parentella posseda in ault diember dad objects dart creai da siu maun.
Il Titus ei morts ils 16 da settember 1993.
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.