Sontgaclau a Tschamut
Sontgaclau a Tschamut
Vid il mir dalla caplutta da Sontgaclau a Tschamut pendan treis cruschs da maun sut seniester dalla entrada.
Ina dallas cruschs ei per in luvrer talian sedisgraziaus 1864 duront l'erecziun dalla via Alpsu entras schluppentar greppa. Aschia annunzia la GR dils 26 d'uost 1864 la tresta disgrazia: Denter ils luvrers sill'Alpsu ei ils 19 d.q. daventau ina nova sventira; in Tirolès Caspar Alexandri ha piars la veta cun siglentar crappa. Nunvulend il "schutz" ir suenter haver mess fiug silla puorla, va el vi sul crap en cun in schuaun envidau, mo enaquella peglia la puorla spert fiug e siglenta um e crap en in'altezia d'ina casa. Il disgraziau era schizun plagaus, ch'el ei morts schi gleiti sco el ei staus puratus en casa a Tschamut. Perfin siu cunti en sac era ius tut en tocs.
Ina crusch duess esser stada per ina buoba ni matta che era ruclada davos Tschmut giu el Rein.
La tiarza en memoria dad Onna Catrina Deflorin sedisgraziada 1902.
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.