Staffetta Sursilvana
Staffetta Sursilvana
Staffetta sursilvana
La staffetta fuva ina cumpetiziun annuala ch'haveva priu sia entschatta igl onn 1944 a Mustér. L'emprema cuorsa liunga da staffettas ha menau da Breil a Sedrun ed anavos alla arrivada a Mustér. Ils victurs ein stai ils Tuatschins. Ils valerus che han representau lezza ga nies club da skis ein stai: Baseli Schmid, Tumaisch Berther, Giachen Fry, Felici Monn e Toni Riedi.
Ils buns resultats han secapescha dau curascha als curriders tuatschins. Ed els han cuntinuau cun grond idealissem ed engaschi persunal. Endisch onns suenter, ils anno 1955 a Mustér, fuva segir aunc ina pulita part digl entusiassem avon maun, ch'era vegnius manifestaus per l'emprema ga da nos Tuatschins igl onn 1944. Las gruppas ord las retschas dil club da skis Sedrun-Tujetsch, Sedrun I e Sedrun II, contonschan a caschun dalla 13avla Staffetta sursilvana ils dus megliers temps. Grondius resultats - talas prestaziuns han fatg honur al club da skis e dau la meriteivla satisfacziun als skiunzs tuatschins.
Medemamein grondius ein ils resultats contonschi alla Staffetta grischuna a Mustér il medem onn. Sedrun II cul secund rang ha stuschau S. Murezi sin il tierz scalem e Sedrun I ha munchentau la medaglia d'argien mo per pauc.
1956 ha la davosa Staffetta sursilvana giu liug a Sedrun. Las duas squadras tuatschinas han mussau als biars aspectaturs indigens lur capacitad da cuorer ed han fatg gronda honur cun salvar aur ed argien ella val.
(Cronica 100 onns Club da skis Sedrun/Tujetsch 1914-2014)
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.