Planatsch sefa sco ustria
Planatsch sefa sco ustria
Tujetsch
Igl onn 1946/47 arvan ins in local/ustria a Planatsch. Il menaschi da tegia si Milez ei ius anavos e vonzei eis el vegnius transferius a Planatsch. Tgi seregorda buca pli digl ustier original Leci Deflorin? All'entschatta teneva el siu muvel duront igl unviern a Planatsch e devi ora vivondas e bubrondas als hosps che mavan sperasvi. La tura sur Tiarms-Cuolm Val vegn aunc adina numnada suenter siu bien vin vuclina. Igl emprem ustier da Planatsch ei staus ina persunalitad unica che vegneva appreziada dils hosps. EI va ella historia dil turissem ton dil punct dalla originalitad anora sco da ses plans. Realisau ha il Leci da Planatsch l'ustria en pliras etappas, construida pli u meins dil material rimnau che autra glieud betteva. Il runal da Planatsch ch'el ha stagiau ora biaras gadas e luvrau ditg vidlunder ha lu la societad dils runals erigiu. Bia plans fussen aunc d'exequir, aschia era l'explotaziun dalla aua minerala ella Val Giuv. (Cudisch da Tujetsch, 1987)
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.