Chor rumantsch da la Scola chantunala 1946
Chor rumantsch da la Scola chantunala 1946
Il Chor rumantsch da la scola chantunala 1946. Dirigent: Gion Battesta Bundi da Curaglia/Medel (davant amez cun las chommas l'ina sur l'autra). En il chor da quel onn eran students rumantschas dal 1945-1949, quai vul dir da las annadas 1925-1929.
Tenor la glista da scolars uffiziala cun ils prenums en tudestg (!) pon esser tranter quels: Christian Collenberg da Luven, Johann Julius Dietrich dad Andiast, Luzius Jacomet da Sedrun, Johann Christoffel Lechmann da Sagogn, Robert Notegen da Tschlin, Constantin Weinzapf da Falera, Moritz Capaul da Degen, Robert Capeder da Lumbrein, Nicolo Dedual da Parsonz, Johann Chrysost. Conrad da Müstair e blers auters che tgi che guarda bain po forsa enconuscher sco ses bab u tat.
Ils scolars da la scola chantunala da quels onns stuevan ordaifer chasa a Cuira adina purtar la chapitscha da student. Quai obligava da sa depurtar endretg per betg crudar si mal. Per festas stuevan quels ch'era en in'uniun da scolars purtar l'uniforma e sin quella - da dretg a sanester sur il pèz - in pindel en colurs ch'inditgava l'uniun.
La fotografia è vegnida fatga avant l'entrada en il convict vegl ch'aveva il surnum "Lümmelburg".
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.