Nus analisain da moda anonimisada las infurmaziuns da noss utilisaders per pudair porscher in meglier servetsch e satisfar a lur basegns. Questa pagina utilisescha er cookies per analisar per exempel las activitads sin la pagina.Vus pudais specifitgar en voss navigatur las cundiziuns d'archivaziun e d'access als cookies.
La pagina tetgala: historiaHelvetica
Brev da biemaun 1860

Brev da biemaun 1860

Archiv cultural Tujetsch

Cara muma et Fargliuns!

Schinavon sco nus vein igl on present che peglia fin, sche sto ins star eri e patertgiar dil bien che Dieus ha schengieu quest on, sco nus len era ver speronza ch'el benedeschi vinavon. Oz prendel jeu pia la plema entamaun per agurar la fiasta dil niev on buca mo la fiasta sonder era igl entir on, che jeu e vus podeien viver en sanadat ventira tuts enzemen en grazia de Diu.

Il motiff ch'ieu scrivel quellas lingias ei sulet mo per far de saver la mia buna sanadat ch'ieu geudel per grazia digl Altissim Diu. Cun quellas lingias vei jeu era speronza denflar vus el madem stan. Jeu sesanflel us en pli buna sanadat che quei ch'ieu senflavel cur che jeu erel leu aber buca tuts che han quella natira ils biars ein pli malsanetsch che leu et ils biars vegnein malsauns dil tut.

Jeu sto era far de saver ch'ieu hagi ritschiert la vossa brev cun la qualla jeu hei viu lien che vus eras buca ton contens de mei per via ch'ieu vevi buca scret brev culs daners, mo tgei duvraves vus brev ch'ur che vus vevas ils daners, jeu lesel adina daners enstagl ina brev. Mo lein calar cun quei. Jeu lessel era saver sche vus veis pagau la milissa ner buc. Dapli les jeu era saver co ei va cun quel digl Giachen de Selva, quel ha dau tscheu bia de far, amtei ch'el detschi leu era detgiavunda, tgi sa tgei quel vegnies a dir adami sche el vases ussa mei, quei che jeu vei stoviu far cun quel, pigliar manar; chitschar e runar ch'ei figieva mez mal de stuer far aschia cun de nosa glieut. Usa vi jeu calar cun quei malscriver. Jeu fetschel catar biemaun atut tgi che empiara suenter de mei, cunzun quels leu de maneivel, particular ils vischins de Sarcuns. Jeu fetschel era salidar e catar biemaun ali miu padrin de Gonda et jeu vegni ad el scriver ina gada ina brev, usa restel Jeu cun cordial Salit de vus tuts ensemen

Wies sinzer Fegl e frar

……… den 27 Dezember 1859

Martin Felizi Monn

Dai ami ton pli gleiti ina risposta e termatei sche ei schabegia enzitgei daniev.

Ti stos esser connectà per agiuntar in commentari
Nagin commentari il mument
Archiv cultural Tujetsch
1,212 contribuziuns
26 october 2018
293 guardads
0 like
0 favurit
0 commentari
4 Collecziuns
Network:
Sponsurs:
16,179
810
© 2024 FONSART. Tut ils dretgs resalvads. Dissegnà da High on Pixels.