1979 La scola veglia vegn spazzada

Igl emprem da zercladur 1979 allas 14.00 eisi stau aschi lunsch. La cumpignia militara Ls Kp 108 ha surpriu la siglientada ch'ha rimnau ina roschada da marveglius. In scolar dalla tiarza descriva aschia quei schabetg. Oz ei stau in di marveglius. Nus vein negina scola ed essan serimnai sper scola veglia. Perfin las scolas da Rabius ein cheu. Sco emprem dat ei pliras curnadas fetg liungas e silsuenter treis tibadas fetg cuortas. In plum e la scola dat afuns. In crap sgola encunter la glieud. Ina fugatscha sesaulza ad ault. Ils pumpiers bognan giu la puorla cun uders. In cantun dil mir stat aunc sidretg.Tracturs cun gronds tschaduns stauschan la crappa ord via. La scola ei spazzada. Ella resta mo pli en memoria alla populaziun.