Nus analisain da moda anonimisada las infurmaziuns da noss utilisaders per pudair porscher in meglier servetsch e satisfar a lur basegns. Questa pagina utilisescha er cookies per analisar per exempel las activitads sin la pagina.Vus pudais specifitgar en voss navigatur las cundiziuns d'archivaziun e d'access als cookies.
La pagina tetgala: historiaHelvetica
Viadi d'emprova per la VFA

Viadi d'emprova per la VFA

1913
Archiv cultural Tujetsch

Cudisch da hosps hotel Oberalp/Alpsu 1913

La primavera 1911 entscheivan las lavurs vid la Viafier Furca Alpsu. Digl emprem viadi culla viafier da Mustér-Sedrun exista in interessant document el cudisch da hosps dil hotel Oberalp a Sedrun. Ils 4 da november 1913 arriva la locomotiva BFD nr. 3 cun tschun carrs alla staziun da Sedrun.

Probabel ei quei insumma stau igl emprem viadi d'emprova. Tenor las notizias el numnau cudisch da hosps era il tren partius da Mustér allas 14.40 ed arrivaus a Sedrun allas 16.30, quei cun retenidas en differents loghens. Normalmein quintava ins per quei viadi 25 minutas. A quell'emprema excursiun ein 15 persunas presentas, denter quellas era in miedi, numnadamein dr. Stiafen Berther da Tujetsch.

Miez november digl onn 1915 ein las rodaias tschentadas dad Andermatt a Mustér. Mo lu dat ei problems finanzials e quei muort l'Emprema uiara mundiala rutta ora 1914. Las lavurs ruausssan per nov onns, da 1916 - 1925. La societad cun capital jester ha fatg concuors e las lavurs ein lu per vegnidas terminadas cun agid dil stadi ed ina nova societad. L'avertura digl entir tschancun Brig - Mustér succeda ils 3 da fenadur 1926.

Ti stos esser connectà per agiuntar in commentari
Nagin commentari il mument
Archiv cultural Tujetsch
1,212 contribuziuns
2 october 2018
333 guardads
0 like
0 favurit
0 commentari
4 Collecziuns
Network:
Sponsurs:
16,186
810
© 2024 FONSART. Tut ils dretgs resalvads. Dissegnà da High on Pixels.