Spatlar
Spatlar
Spatlar
Per quella lavur duvrava ei in pel da glin ed ina spada. En in'aissa da 30 sin 80 cm fuv'ei fatg en ina spunda da 60/65 cm aulta. La spatlunza seseva sin ina suppia dasperas e stenda culs pels sill' aissa giun plaun, pitgava ella cun la spatla sur la braunca glin giu (quei ch'ins po tener enta maun). En quei mument curdavan las restas e teglias naven. Sch'il glin era secs, siglievan restas e puorlas sin tuts mauns. Mender er'ei, sch'il glin era humids ni haveva resta rentada (buca puzzau bein). Entras spatlar vegneva la schuengia ed entras spatlar da fin las restas naven. Schuengia e restas vegnevan aunc inagada spatladas e quei deva lu per il material per ils blahs da fein. Tut vegneva duvrau si bein e scosauda. Tratg ellas miardas vegneva ei nuot! II spatlar fuva ina lavur da cuminonza. Cheu vegneva ei gidau in l'auter entochen che tut fuva en uorden. Cun quei ch'era spatlau beinavunda vegneva ei fatg poppas, quel vul dir 5-6 brauncas devan ina poppa, 10 poppas devan lu in mais. Jeu seregordel che la mumma scheva: «Ussa val ju aunc se surtgombras ina scatla cun 50 puppas (= 5 mais), quei sas te lu luvra se in de, i dat in batlini.»
(Text Barla Monego-Venzin)
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.