Tscharschar
Tscharschar
Tscharschar
Cheu duvravan las puras grops e fins tscharieschs. Quei era in aissa da 40-70 cm liunga e 10-16 cm lada. Enamiez quella sesanflava in barschun da guotas fier. Sisum e giudem l'aissa er'ei tagliau ora ina ruosna per ch'ins sappi tener ella bein enta maun e giudem vegneva ei ligiau en atraviers in lenn rodund per saver fitgar ils peis sissu. Sinaquei ch'ins hagi ina buna posiziun per quella lavur. Cheu vegneva braunca per braunca tratga tral tschariesch, gl'emprem las groppas e suenter las finas, tochen che tut era bi e neidi. Lu vegneva ei puspel fatg bialas e finas poppas e mess ellas en ina canastra, suenter giun tschaler e lu gl'unviern vegneva ei filau. Pertgei giun tschaler che'era aschi humid? Pli ditg en tschaler e pli loms e neidis ch'il glin fuva per filar. Ils rests che seresultavan da tscharschar vegnevan mess tier la schuengia e las restas. Il proverbi: Trer la glieud tral tschariesch vegn da quella lavur, era cheu vegnevan las cumars, vischinas, soras, ondas e tattas a gidar, e lu vegnevan ellas sissu tut quei che curreva e passava el vitg ed ella val!
(Text da Barla Monego-Venzin)
Fotografias el Museum La Truaisch, Sedrun)
Skizzas en Flachs und Hanf und ihre Verarbeitung im Bundner Oberland da pader Karl Hager, 1919
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.