Ils onns 1960 arriva il temps dallas glatscheras communablas. Aschia era a Sedrun. La nova glatschera sesanfla a Mira sur casa da Heinric Schmid-Valier. Il november digl onn 1960 retscheivan tuttas casadas dalla val la suandonta informaziun:

Nossa glatschera

Cun plascher saiel communicar, che la glatschera a Sedrun ei en 4 dis en funcziun. Vus haveis per |' emprema gada la pusselviadad de tener si per liung temps cun tutta garanzia carn frestga, peschs, gaglinam, fretgs e legums

Ei croda ussa naven:

• Il stentus sterelisar: Vus spargnels temps
• Vossa rauba va buca pli a mal
• Vus essas buca pli dependents dils meins ad' unviern

Entgins novs avantatgs:

• bia pli pauca sperdita dellas custeivias vitaminas
• aunc suenter 6, 8, 10 u 12 meins carn frestga, fretgs e legums sin meisa
• mintga product vegn mess lu en glatschera, cura che el ei il pli bienmarcau. Vus haveils aschia igl entir onn bunas e frestgas victualias per in prezi raschuneive!l - Vus spargneis daners!

Mintga famiglia, pensiun, ustria e hotel sa tar diever de quella caschun cun s'annunziar tier

sgr. Heinrich Schmid, Sedrun tel. 7 72 31

ll tscheins vegn quintaus pér naven digl 1. da schaner1961; entochen lu ein ils caums gratuit. Cun avantatg metteis Vus la rauba che Vus vuleis conservar beinpreparada en sacs de plastic (purziuns per ina tschavera) Material d'emballadi sa vegnir retratgs da sgr. Heinrich Schmid, Sedrun.

Signur Schmid ed il sutsignau dattan a Vus da tut temps bugen sclariment. La glatschera ei gronda avunda per tuts! Per mintgin in caum che satisfa a ses basegns!

ll sutsignau vegn adina a sespruar de secunvegnir cun Vus.

Tujetsch/Glion, november 1960

Curschellas Anton