Dretg il Giachen Antoni Soliva (1848-1915) e Gion Mihel Monn, (numai ils "Giomiel's") (1846-1931). Il baghetg gest davostier ei oz il Hotel Postigliun a Sedrun.

Giachen Antoni Soliva da Gonda. El ei naschius ils 3 da schaner 1848 e morts ils 9 da fenadur 1915. Ils geniturs da Giachen Antoni ein stai: Vigeli Giusep Soliva 1816 - 1881 ed Onna Maria Hitz 1809 - 1885. Famiglia han els giu la suandonta:

Onna Maria Cristgina, 1844-1851

Giusep Bruno, 1844 -1913, maridau Margreta Cristgina Schmid, "Stena", (1856-1931)

Anna Maria, 1846-1846

Giachen Antoni, 1848 -1915, il sura

Onna Maria Cristgina, 1850 -1851

La consorta da Giachen Antoni Soliva ei stada Maria Barla Turte Monn naschida ils 6-4-1849, morta ils 24-3-1917, feglia da Duri Battesta Monn (1803-1854) e Madleina Biarth (1817-1905) e perquei numnada la "Madleinra". Maridai ein els igl onn 1877 ed han giu endisch affons, dils quals sis ein carschi si. Els ein habitai ed han viviu en giuvens onns en la casa dil mulin a Gonda. IIs survivents ein stai:

Onna Maria 1878 -1940, numnada la peca,

Duri Vigeli 1879 -1967, maridau Marionna Catarina Beer (1887-1975),

Gion Battesta 1884 -1957, maridaus cun Onna Maria Giuseppa Cavegn (1896-1945) da Florentin,

Giachen Antoni 1887 -1963, ledis e muliner, numnaus dils parents "aug Nè",

Lucia 1890-1925, maridada cun Gion Antoni Luis Hendry (1877-1941), calger, (secunda dunna) Cavorgia/Gonda,

Barla Catrina 1887 -1933, ledia

Igl onn 1902 ha quella famiglia cumprau il mulin giudem Gonda dad in aug davart dalla dunna Barla Turte Monn. Secasai cheu ha ei pia tuccau da renovar, baghegiar e rugalar en ualti tut da niev. Ina caussa che ha dau bia da far a quella famiglia.

(en Tuatschina 1993 da Fr. Berther (amplificau))