L'emprema scoletta era ina scoletta spirontamein da stad. Ils affons vegnevan tgirai ed instruiu naven dil matg entochen igl october. L'instrucziun entschaveva allas 08:00 uras e cuzzava entochen alla endisch da meizdi. Il suentermiezdi cuzzava lu naven dallas 13:00 uras entochen las 16:00 uars. Igl intent primar fuva surtut dad occupar ils affons e tener els giud las vias entras ina buna survigilonza. La scola veva da survir cun promover l'educaziun digl affon, esser gideivla als geniturs cun instruir enconuschientschas fundamentalas dalla baselgia catolica. Plinavon fuva ei pils pli biars geniturs in levgiament da saver occupar ils affons duront il pli grond temps da lavur sil funs. All'entschatta variescha la vegliadetgna dils affons. Quella fuva buca fixada aschi exactamein, aschia ch'ils affons savevan ver denter treis e diesch onns.

Las fotos muossas la scoletta digl onn 1938 con la mussadra Irena Caduff da Razen.