Il bab dad Emma e Margrith Schlumpf, burgheis da Gersau e che habitava ensemen cun sia famiglia in temps ad Erstfeld, ha cumprau entuorn ils anno 1950 ina parcella a Sontget sper la baselgia da sogn Placi, eregiu ina casa cun in fetg grond curtin ed ina ballabeina tut speciala.

Emma 1904 - 1960 fuva scolasta, Margrith [1912 - 2002] educatura d'affons. Ellas meinan ina casa d'affons. La tabla sin la ballabeina fuva inscretta cun "Alpines Kinderheim mit Privatschule". Cheu vegnevan specialmein affons dil spital d'affons a Turitg che havevan asma. Cura che Emma ei morta ha Margrith Schlumpf menau vinavon la casa, jeu crei cun enzatgei pli paucs affons. Scolast Mario Gadola instrueva la sera ils affons e duront igl avon miezdi procurava "Schwester Margrith" ch'ils affons fetschien ils pensums. Las soras Schlumpf han priu si ina buoba Beatrice [*1955 +1966]. Ellas savevan che la mattella vegni buca fetg veglia. Margrith ha adoptau la buoba. Il consentiment definitiv ei arrivaus pér suenter che la buoba era gia en fossa.

L'inscripziun sin la porta all'entrada dil curtin seclamava: Grüss Gott, tritt ein, bring Glück herein!