Savognin, vista cunter nord-ost, cun las curts Naloz e Son Mitgel. La fotografia po neir datada tranter igl onn 1903. Davant da dretg la tgesa da scola viglia, davant sanester sper igl punt crap la scola biageida igl onn 1841, òz canzleia communala. Igl bietg da scola era nia finanztgia tranter oter er cun daners digl cumegn baselgia ed amprests da privats. En amprest darivava d'en vaschign da Filisour, per da chel taimp betg ena rarietad. A Filisour davan da chel taimp diversas famiglias pi bagnstantas, tgi vevan fatg lour posses an sarvetschs esters. Chegl era er ena raschung, tgi Filisour veva signia 100'000 frs an aczias per l'erecziun dalla veiadafier. La scola digl 1941 ò sarvia anfignen igl onn 1954 scu scola communala. Sen la part soura, son Mitgel, da san. ègl da veir ena clavadeira cun loptga. Tala è neida dislocada sot igl stradung e serva òz scu part digl restaurant agl otel Danilo. Marcant davant sen la foto, igls meirs tgi sarvivan per sierar igl agen pastg cunter igl bual. Vasibel er la seiv da lagn, fatga cun pasets an crousch, tipic per igl taimp noua tgi dava strousch gottas per farmar igls pasets.