Il temp avant Nadal, il temp d'advent è per blers il pli bel temp da l'onn. En quels dis vegns preparda la festa da Nadal cun far paun, biscuits u cumprar il pignol da Nadal. Ma era en las scolinas e scolas vegn celebrà il temp d'advent: Il Son Niclà vegn sin visita e chanzuns da Nadal vegnan preparadas. Era betg mancar dastgan natiralmain las fieras en ils vitgs, so per exempel la fiera da vinars a Glion.

Il temp suenter las festas da Nadal porscha era bels usits, so per exempel la festa dals Trais Sontgs Retgs. En las bleras valladas vegnan ils Retgs il schaner a chantar en las chasadas, auter en il Surses, là chantan ils Trais Sontgs Retgs da Son Silvester per ils abitants dals vitgs. En il film dal balcun tort è da vesair tranter auter ils uffants da Riom che van da chasa tar chasa.