Passugg ha nizzegià gia baud sias funtaunas mineralas. L'onn 1863 ha Ulrich Sprecher chattà en la chavorgia da la Rabiusa la funtauna d'aua ascha ch'èra sutterrada dapi onns. Silsuenter èsi vegni bajegia l'emprima infrastructura per utilisar la funtauna. La casa da cura è vegnida engrondida da 20 letgs a 200. Cun porscher bogns e terapias sco p.ex. encunter reumatissem è la glieud vegnida tras natiers. Suenter la secunda guerra mundiala è la bavetta sco la chasa da cura vegnidas modernisadas. Dentant ha il manaschi stuì serrar las portas l'onn 1979. La chasa da cura è vegni vendi ad ina scola da hotel e turissem internaziunala.

Passugg ha dentant betg mo ina istorgia pervia dals indrizs da cura - i dat era aua minerala. La "Passugger Heilquellen AG", fundada l'onn 1896, ha gì cumprà l'onn 1941 ils dretgs d'utilisaziun da la funtauna d'aua minerala Rhäzüns. Dador Razén e vegni erigì in indriz d'embuttigliar modern. (Funtauna allegra-passugger.ch)

Il film dal Balcun tort 1969 mussa bels purtrets da la chasa da cura, diversas terapias dad aua sco era l'indriz d'embuttigliar modern ed il sistem d'etichettar cun las etichettas "Rhätisana".