Login

Inseri in num d'utilisader

Inseri in pled-clav

Jau hai emblidà mes pled-clav


Jau vi daventar commember da nossaistorgia.ch

Jau sun in'instituziun

La plattafurma nossaistorgia.ch po vegnir utilisada pir suenter che l’utilisader ha acceptà las suandantas cundiziuns generalas.

Sche l'utilisader vul publitgar cuntegns sin la plattafurma nossaistorgia.ch, sto el declerar d’avair legì ed acceptà explicitamain e senza resalvas las cundiziuns dal document preschent sco era d’acceptar las «Reglas per la publicaziun sin la plattafurma» agiuntadas a las cundiziuns generalas preschentas.

La Fondation pour la sauvegarde du patrimoine audiovisuel de la Radio Télévision Suisse (FONSART) e Radiotelevisiun Svizra Rumantscha (RTR) (proximamain numna editur) sa resalvan il dretg da modifitgar las cundiziuns generalas preschentas da tut temp e senza preavis. Perquai èsi recumandabel da consultar regularmain la davosa versiun da las cundiziuns generalas ch’èn adina disponiblas sin la plattafurma nossastorgia.ch.

1. Object

Las cundiziuns generalas preschentas han l'intent da definir las cundiziuns che reglan l’utilisaziun da la plattafurma nossaistorgia.ch.

En il senn da las cundiziuns generalas preschentas designescha il term «utilisader» mintga persuna, gruppa, instituziun, etc. che acceda e consultescha la plattafurma nossaIstorgia.ch. Il term nossaistorgia.ch signifitga la plattafurma www.nossaistorgia.ch.

Las cundiziuns generalas preschentas pon vegnir cumplettadas cun cundiziuns specificas per ils differents servetschs e las rubricas sin nossaistorgia.ch, en particular concernent limitar la lunghezza dals documents chargiads sin la plattafurma. Per consequenza èn las cundiziuns generalas preschentas applitgablas mo uschenavant ch'ellas na stattan betg en cuntradicziun cun las cundiziuns specificas numnadas sura.

2. Utilisaziun da la plattafurma nossaistorgia.ch e responsabladad

La plattafurma nossaistorgia.ch po vegnir utilisada exclusivamain per intents betg commerzials. Mintga autra utilisaziun è exclusa senza l’autorisaziun precedenta en scrit da la FONSART.

L'utilisader surpiglia la responsabladad cumplaina ed exclusiva per l'utilisaziun da la plattafurma.

Per consequenza na po la FONSART u l’editur en nagin cas vegnir fatg responsabel per donns directs u indirects, independent da la natira da quels, oravant tut betg per sperditas da profits, da clientella, da datas, da bains materials u immaterials, eventualmain chaschunads entras l’utilisaziun da la plattafurma nossaistorgia.ch.

Oravant tut n’è la FONSART betg responsabla ch’ils programs funcziunian e per la transmissiun da tuttas datas u infurmaziuns sur l'internet, ed era betg per ils donns ch'ina pirataria informatica totala u parziala da la plattafurma pudessan chaschunar a l’utilisader u a terzs.

Da princip è la plattafurma accessibla 24 uras al di. Tuttina n’è la FONSART betg responsabla en cas d’incaps tecnics da connexiun e d'access a la plattafurma, independent per tge motivs che quels succedan (forza superiura, lavurs da mantegniment, actualisaziun dals cuntegns, interrupziun u pannas da la rait, blackout, configuraziun sbagliada u utilisaziun incorrecta dal computer da l’utilisader, dal material retschavì u da las lingias da telefon u tut las autras raschuns dependentas u betg da la voluntad da la FONSART).

L'utilisader che chargia giu e/u retschaiva material durant l’utilisaziun da la plattafurma, fa quai sin atgna ristga ed agen privel; l’utilisader ch’è vegnì en possess da tal material na po betg far responsabel la FONSART u l’editur persuenter.

La FONSART u l’editur na garanteschan betg ch’il server e la plattafurma nossaistorgia.ch na cuntegnian betg virus. Per consequenza na po la FONSART betg vegnir fatg responsabla, sch’il material informatic da l’utilisader vegn contaminà cun in virus. Igl è chaussa da l’utilisader da prender tuttas mesiras necessarias per proteger sias atgnas datas, ses programs, il computer ed il rest dal material informatic da contaminaziuns entras eventuals virus che circuleschan en l'internet.

Plinavant na garantescha la FONSART en nagina maniera la capacitad e la spertadad dals transferiments da datas dal server da la plattafurma nossaistorgia.ch vers la rait d’internet u il computer da l’utilisader.

La FONSART u l’editur sa resalvan da tut temp e senza preavis il dretg da modifitgar u d'interrumper temporarmain u definitivamain l’entira u ina part da la plattafurma nossaistorgia.ch e/u ils servetschs da quella, senza nagina pussaivladad da recurs, da reclamaziun u pretensiuns da tge gener che quai saja.

L'utilisader è responsabel per ils donns chaschunads a la FONSART durant ch’el utilisescha la plattafurma nossaistorgia.ch, da tge gener che quels sajan.

3. Chargiar giu cuntegns

3.1 Acceptaziun da las cundiziuns generalas

Per pudair publitgar in cuntegn (fotografia, film, video, audio, text) sin nossaistorgia.ch sto mintga utilisader acceptar l’emprim las cundiziuns generalas preschentas, oravant tut las obligaziuns ch’el sto surpigliar en il senn dal punct 3.3 menziunà qua sut. Ils commentaris, las testimonianzas, la newsletter ed il forum vegnan considerads sco cuntegns da text.

Cun publitgar in cuntegn sin nossaistorgia.ch accepta l’utilisader automaticamain e senza resalvas las cundiziuns generalas preschentas.

3.2 Confidenzialitad dals parameters d’access

Ils parameters d’access, vul dir il num d’utilisader ed il pled-clav che permettan a l’utilisader d’acceder als servetschs da la plattafurma nossaistorgia.ch, èn persunals, confidenzials e betg transmissibels. Per consequenza s’oblighescha l’utilisader da betg ceder u communitgar a terzs ses parameters d’access e resta qua tras l’unic responsabel per l’utilisaziun da quels.

La FONSART u l’editur na po betg vegnir fatg responsabel per l’utilisaziun da la plattafurma entras terzs che possedan ils parameters d’access da l’utilisader (surtut cura ch’i sa tracta d'opiniuns exprimidas en gruppas, newsletters, commentaris, forums u autras rubricas sumegliantas).

En cas d’utilisaziun betg autorisada da ses parameters d’access è l’utilisader obligà d’infurmar immediat l’editur (nossaistorgia@rtr.ch).

3.3 Obligaziuns da l’utilisader

Cun publitgar in cuntegn (foto, film, video, audio, text) sin nossaistorgia.ch s’oblighescha l’utilisader da respectar tut las disposiziuns legalas applitgablas e da betg pregiuditgar ils dretgs da terzs.

L’utilisader s'oblighescha oravant tut da betg publitgar commentaris u cuntegns:

  • offendents, disfamants, calumniants u che fan donn en ina moda u l’autra a l’onur u la reputaziun da terzs;
  • rassistics, xenofobs, revisiunistics u snegants;
  • obscens, pornografics, pedofils e che offendan u ch’èn en in'autra moda cuntraris ad in cumportament social adequat;
  • che pregiuditgeschan en ina moda u l’autra ils dretgs d’auters, surtut il dretg al respect da la vita privata, il dretg al maletg, al num, a la dignitad umana ed a la protecziun dals uffants e dals adolescents;
  • che pregiuditgeschan ils dretgs a la proprietad intellectuala d’auters, oravant tut il dretg da la marca, il dretg d’autur (maletgs, audio, texts, fotos, programs, etc.), sco er ils dretgs d’artists interprets, da producents da portatuns e da videos e d'organisaziuns da diffusiun;
  • che instigheschan a la discriminaziun, a l’odi, a la violenza, a commetter in act criminal u in delict u al consum da substanzas scumandadas;
  • da caracter publicitar, propagandistic u missiunaric;
  • che violeschan las leschas ed ils reglaments vertents.

L’utilisader s’oblighescha plinavant da betg publitgar messadis che cuntegnan virus u auters programs che pon chaschunar donns a la plattafurma u a terzs.

L'utilisader s’oblighescha ultra da quai da betg surchargiar il server ospitant da la plattafurma nossaistorgia.ch, surtut cun l’utilisar per trametter reclama betg dumandada.

3.4 Responsabladad da l’utilisader

L'utilisader è il sulet ed unic responsabel, sin plaun civil, administrativ e penal, per las opiniuns e/u ils cuntegns (foto, film, video, audio, texts) ch’el publitgescha sin la plattafurma nossaistorgia.ch.

Per consequenza garantescha l’utilisader a la FONSART ed al editur da surpigliar la responsabladad per mintga recurs, mintga contestaziun, dumonda da restituziun per donns u autras acziuns u pretaisas che terzs pudessan far sin fundament da publicaziuns e/u acziuns da l’utilisader sin la plattafurma. En cas che la FONSART u l’editur vegnan dumandads da respunder a problems chaschunads perquai che l’utilisader ha cuntrafatg a las obligaziuns, a las qualas el è suttamess en il senn da las cundiziuns generalas sequentas, po la FONSART inditgar l’utilisader sco garant.

La FONSART e l’editur sa resalvan il dretg – sin dumonda d’ina autoritad giudiziala u da terzs – da communitgar mintga infurmaziun en ses possess che permetta u facilitescha l’identificaziun da l’utilisader, sco per exempel l’adressa IP ed il temp d’access, oravant tut en cas che l’utilisader ha violà sias obligaziuns definidas sut punct 3.3 da las cundiziuns generalas preschentas.

3.5 Moderaziun da la plattafurma e dretgs da l’editur

L’editur gestiunescha ils contos ed ils cuntegns (foto, film, video, audio, text) sin la plattafurma nossaistorgia.ch. L’editur sa resalva damai il dretg da decider tenor liber avis, sch'el vul publitgar u betg publitgar tut il cuntegn communitgà da l’utilisader, al modifitgar, al mantegnair online u al eliminar da tut temp, senza stuair infurmar l’utilisader e senza ch’ina tala decisiun possia chaschunar pretaisas da tge gener che quai saja envers l’editur.

L’editur sa resalva il dretg da limitar u d'impedir l’access a ses servetschs a mintga utilisader che na respecta betg las disposiziuns cuntegnidas en las cundiziuns generalas preschentas, oravant tut sch’el cuntrafa a las obligaziuns numnadas sut punct 3.3 da las cundiziuns generalas preschentas.

3.6 Cessiun da dretgs

3.6.1. Dretgs da terzs en general

Avant che publitgar in cuntegn sin la plattafurma nossaistorgia.ch sto l’utilisader en mintga cas far la segira ch’in tal cuntegn respectia cumplainamain la legislaziun vertenta, oravant tut ils dretgs d’autur ed ils dretgs colliads cun quel (sco ils dretgs d’interprets u da producents da meds auditivs ed audiovisuals) ed ils dretgs da la persunalitad (surtut il dretg l’agen purtret).

3.6.2. Dretg d’autur dals documents publitgads sin nossaistorgia.ch.

L’utilisader da la plattafurma nossaistorgia.ch che publitgescha cuntegns (foto, film, video, audio, text) che n’èn betg dad el sez, sto survegnir ordavant dals possessurs dals dretgs tut las autorisaziuns necessarias.

Il dretg d’autur protegia l’autur d’ina fotografia, d’in film, d’in text, d’ina cumposiziun musicala etc., senza resguard sin la valur d’ina tala producziun. Quest dretg vala fin a 70 onns suenter la mort da l’autur.

Il respect dal dretg d’autur ha per consequenza che l’utilisader da la plattafurma renunzia d’utilisar la producziun d’in terz, sch’el n’ha betg survegnì sia autorisaziun, a bucca u en scrit.

3.6.3. Copyright

Il diever dal copyright sin in cuntegn publitgà d’in utilisader da la plattafurma e dal qual el è il sulet autur, inditgescha che l’utilisader conserva la proprietad da ses documents e che quels ultims na pon betg vegnir utilisads senza ses consentiment.

3.6.4. Musica

L'utilisaziun da musica cun l'intent d’illustraziun sonora è pussaivla unicamain suenter avair retschet l’autorisaziun dals possessurs dals dretgs d’autur. Oravant tut en cas da musica betg originala èsi necessari d’avair l’autorisaziun da la SUISA. Per tuttas dumondas concernent l’utilisaziun da musica en producziuns audiovisualas, ston ils utilisaders da la plattafurma sa drizzar directamain a la SUISA.

Sche la musica d’in DC disponibel sin il martgà vegn utilisada sin la plattafurma nossaistorgia.ch, èsi necessari d’avair l’autorisaziun dal producent dal DC (firma da discs) e da l’editur da tala musica (administratur dals dretgs da l’autur).

3.6.5. Dretg al maletg da persunas filmadas

Las persunas che vegnan mussadas sin maletgs u che fan udir lur vusch en in film u en in video èn protegidas dal dretg al maletg. Sche questas persunas èn anc en vita, sto l’utilisader survegnir ordavant lur lubientscha da publitgar in cuntegn audiovisual sin la plattafurma nossaistorgia.ch.

3.6.6. Responsabladad da l’utilisader

L'utilisader d’in conto sin la plattafurma nossaistorgia.ch è responsabel per il respect dals dretgs da terzs e da la legislaziun vertenta. En cas da cuntraversas è l’utilisader perquai il garant envers l’editur per tuttas contestaziuns u pretaisas che pudessan sa dar da terzs en connex cun la publicaziun online da cuntegns sin la plattafurma nossaistorgia.ch u da lur utilisaziun entras l’editur confurm als dretgs concedids a quella.

3.6.7 Cessiun dals dretgs per la promoziun da nossaistorgia.ch

L’utilisader accepta che ses documents vegnan utilisads libramain da nossaistorgia.ch per la promoziun da la plattafurma editoriala sin tut ils meds (stampads, digitals, audiovisuals u auters), independentamain dal tip da licenza elegida. L’editur s’oblighescha d’infurmar ses commembers en cas ch’ella fa diever da lur cuntegns en il rom d’ina campagna da promoziun.

4. Proprietad intellectuala

La plattafurma nossaistorgia.ch e ses cuntegn èn protegids dals dretgs liads a la proprietad intellectuala. La reproducziun da tut ils cuntegns da la plattafurma sto esser autorisada ordavant da l’editur. L'utilisaziun da tut ils documents publitgads sin la plattafurma sto esser autorisada ordavant dals auturs u dals possessurs dals dretgs.

5. Colliaziuns ipertextualas

5.1 Colliaziuns ipertextualas

Cun excepziun dals cas, nua che la pagina-web da terzs cuntegna infurmaziuns e/u cuntegns scumandads en il senn dal punct 3.3 da las cundiziuns generalas preschentas, èsi da princip pussaivel da crear in link che collia ina pagina-web da terzs cun la plattafurma nossaistorgia.ch, premess che tals links s'avrian en ina nova fanestra dal navigatur.

En tutta cas na duai la colliaziun ipertextuala mai vegnir utilisada per trametter messadis en massa, sco per exempel in messadi redigì ordavant e tramess automaticamain ad ina adressa electronica colliada cun la plattafurma nossaistorgia.ch.

5.2 Transclusiun

La transclusiun è scumandada strictamain senza l’autorisaziun precedenta en scrit da l’editur.

Cun il term «transclusiun» vegn chapì mintga link che permetta d’acceder ad ina part d’ina pagina-web entras «framing», pia cun far apparair quella sco part integranta da la pagina-web colliada, u che permetta l’access direct ad ina u pliras ovras, sco la lectura d’in text, la reproducziun da maletgs u videos, u tadlar registraziuns musicalas u da tuns. .

5.3 Colliaziuns ipertextualas da la plattafurma nossaistorgia.ch RTR


La plattafurma nossaistorgia.ch po cuntegnair colliaziuns ipertextualas vers autras paginas-web. L’utilisader visita questas paginas en sia atgna responsabladad cumplaina ed exclusiva.

Per consequenza na po l’editur betg vegnir fatg responsabel per avair proponì tals links. Ultra da quai n’è l’editur en nagin cas responsabel per il cuntegn u l’existenza da questas paginas, ni per eventuals donns, directs u indirects, chaschunads a l’utilisader entras avair consultà e/u utilisà ina pagina-web da terzs accessibla a partir da la plattafurma nossaistorgia.ch.

6. Responsabladad

Malgrà che la plattafurma è vegnida creada e vegn actualisada cun grond quità, na po l’editur betg garantir l’exactadad da las infurmaziuns cuntegnidas.

Cun excepziun da la responsabladad a basa da las disposiziuns legalas imperativas dal dretg svizzer, na po l’editur perquai betg vegnir fatg responsabel per sbagls, inexactadads u omissiuns u per tuts geners da donns, directs u indirects, chaschunads entras consultar ed utilisar la plattafurma nossaistorgia.ch.

L’editur na po era betg vegnir fatg responsabel per opiniuns u maletgs sin sia pagina-web che pudessan offender persunas particularmain sensiblas.

Ils commentaris, ils texts, las testimonianzas, las newsletters ed ils forums publitgads sin la plattafurma nossaistorgia.ch, inclus ils cuntegns redigids dals collavuraturs da nossaistorgia.ch, expriman l’opiniun persunala da lur autur ed el è il sulet responsabel. Els na represchentan en nagin cas l’opiniun da l’editur.

7. Datas persunalas

7.1 Rimnada e tractament da las datas persunalas

La FONSART ha l’incumbensa da rimnar las datas persunalas dals utilisaders. Oravant tut communitgescha l’utilisader a la FONSART las atgnas infurmaziuns persunalas (num, prenum, adressa, etc.) per esser autorisà d’utilisar ils servetschs da la plattafurma nossaistorgia.ch.

Las datas persunalas rimnadas da la FONSART vegnan tractadas confurm a las disposiziuns da la Lescha federala davart la protecziun da las datas dals 19 da zercladur 1992.

7.2 Confidenzialitad e communicaziun da las datas persunalas

Las datas persunalas communitgadas da l’utilisader restan confidenzialas. Ellas vegnan tramessas a terzs unicamain cun l’autorisaziun precedenta da l’utilisader u sche lur derasaziun è necessaria per identifitgar, interrogar u proseguir giudizialmain ina persuna che pregiuditgescha ils dretgs da la FONSART u da terzs, cunzunt sche l’utilisader fa diever da la plattafurma nossaistorgia.ch per derasar opiniuns u cuntegns scumandads en il senn dal punct 3.3 da las cundiziuns generalas preschentas. .

La FONSART applitgescha mesiras organisatoricas e tecnicas appropriadas per garantir che las datas persunalas dals utilisaders sajan protegidas cunter tractaments betg autorisads. La FONSART sa stenta surtut da proteger talas datas da destrucziun accidentala u betg autorisada, perdita accidentala, errurs tecnicas, sfalsificaziun, engol u utilisaziun nunlubida, modificaziun, copia, access u auters tractaments betg autorisads.

La FONSART sa stenta ultra da quai da prender tut las mesiras necessarias per garantir la confidenzialitad da la communicaziun da datas sur l'internet. L’utilisader renconuscha dentant ch’i n`è betg pussaivel da garantir ina segirtad absoluta en il transfer da datas via l'internet. Perquai vegnan las datas persunalas communitgadas a la FONSART en la responsabladad cumplaina ed exclusiva da l’utilisader. La FONSART na po damai betg vegnir fatga responsabla per eventuals incidents chaschunads en il decurs da la transmissiun da datas da vart da l'utilisader, surtut en cas da perdita u pirataria da la communicaziun entras terzs

7.3 Utilisaziun da las datas entras

La FONSART ha il dretg da tractar las datas persunalas per administrar sias relaziuns cun ils utilisaders da la plattafurma nossaistorgia.ch, sco era per controllar la regularitad da las acziuns da participaziun sin la plattafurma. Quest dretg includa medemamain il cumbat cunter eventuals abus ed irregularitads.

L'utilisaziun da las datas persunalas entras la FONSART per intents da marketing, da relaziuns publicas u commerzials è suttamessa a l’autorisaziun explicita da l’utilisader.

Resalvadas restan las disposiziuns da la Lescha federala per la protecziun da las datas areguard il dretg da tractar las datas persunalas a moda professiunala en vista a la publicaziun en la part redacziunala d’in med periodic.

7.4 Communicaziun da datas persunalas a terzs entras l’utilisader

Per ils servetschs proponids da terzs via in link disponibel sin la plattafurma nossaistorgia.ch èn quests terzs ils sulets ed unics responsabels per rimnar e tractar las datas persunalas che l’utilisader als communitgescha. La FONSART e/u l’editur na rimna e na conserva betg questas datas persunalas furnidas da l’utilisader en questa occasiun.

Sche l’utilisader transmetta voluntarmain sias datas persunalas en texts, commentaris, forums u autras rubricas sumegliantas sin la plattafurma nossaistorgia.ch, sto el savair che quellas pon vegnir rimnadas da terzs. L’eventuala utilisaziun da talas datas da vart da quels n’è alura en nagin cas suttamessa a la controlla da la FONSART e/u l’editur che na po betg vegnir fatg responsabel per ina tala utilisaziun e per las consequenzas che pon sa resultar

7.5 Dretg d’access

L'utilisader ha il dretg da consultar gratuitamain las datas persunalas ch’al pertutgan e da far curreger ellas u las stritgar, sch’ellas èn sbagliadas, incumplettas u betg accuratas.

L'utilisader che vul far diever da quest dretg sto trametter per posta ina dumonda datada e suttascritta, cun ina copia recto e verso da sia carta d’identitad, a l’adressa sequenta:

Fondation pour la sauvegarde du patrimoine audiovisuel de la Radio Télévision Suisse
20 Quai Ernest Ansermet
1208 Genève

7.6 Cookies

L’utilisader è infurmà ch’i pon vegnir plazzads cookies sin il disc dir da ses computer cun la finamira da registrar infurmaziuns davart sias visitas sin la plattafurma nossaistorgia.ch.

Cookies permettan da reconuscher l’utilisader e da facilitar e persunalisar l’utilisaziun da la plattafurma nossaistorgia.ch cun memorisar intgins parameters. Ils cookies vegnan duvrads oravant tut per survegnir infurmaziuns areguard las paginas visitadas ed era las datas e las uras da consultaziun.

La FONSART e/u l’editur na controllescha betg l’utilisaziun dals cookies producids da terzs u quels che resultan dal diever da parts da la pagina-web ospitada sin il server da terzs..

Cun deactivar l’opziun correspundenta en ses navigatur po l’utilisader impedir da tut temp che cookies vegnan registrads e deponids sin ses computer. Tuttina, tschertas funcziunalitads da la plattafurma nossaistorgia.ch pretendan imperativamain l’utilisaziun da cookies (persunalisaziun, avertiments, etc.); senza quels na pudess l’utilisaziun da la pagina-web betg vegnir modifitgada u bloccada.

8. Dretg applitgabel e dretgira cumpetenta


Las cundiziuns generalas preschentas èn suttamessas al dretg svizzer. .

En cas da cuntraversas ha la dretgira da Genevra (Svizra) la cumpetenza exclusiva.