Login

Inseri in num d'utilisader

Inseri in pled-clav

Jau hai emblidà mes pled-clav


Jau vi daventar commember da nossaistorgia.ch

Jau sun in'instituziun

 

La rait da las plattafurmas da notreHistoire.ch en Svizra

 

notreHistoire.ch permetta a tuts da publitgar ils agens archivs. I sa tracta surtut da documents che derivan dals albums da famiglia, ma igl èn da chattar là era blers documents cundividids dad instituziuns. Il resultat è che collecziuns privatas ed archivs instituziunals èn accessibels a medem temp sin ina suletta plattafurma editoriala.

Quests documents che derivan da funtaunas differentas, ma ch'èn reunids en dossiers tematics, promovan ina nova avischinaziun a l’istorgia da las differentas regiuns da la Svizra. Grazia a sia contribuziun persunala po mintga utilisader annunzià participar al svilup d’ina istorgia collectiva. I sa tracta damai d’ina plattafurma sociala concepida per promover in’activitad da creaziun cuminaivla. In raquint collectiv.

L’entschatta da la rait ha notreHistoire.ch fatg. Il 2009 ha la Fondation pour la sauvegarde du patrimoine audiovisuel de la Radio Télévision Suisse RTS (FONSART) lantschà l’emprima plattafurma digitala da caracter istoric e cun in'avischinaziun editoriala participativa, deditgada a l’istorgia da la Svizra franzosa. Grazia al success da notreHistoire.ch – cun ses concept e sia tecnologia – ha quella cuntanschì en il fratemp la Svizra taliana e rumantscha, nua che duas plattafurmas independentas, ma unidas da la medema lingia editoriala, èn vegnidas avertas la primavaira e l’atun 2017.

Questas duas plattafurmas vegnan sustegnidas da FONSART).

 

Giavischais Vus dapli infurmaziuns?

Vulessas Vus lantschar Vossa atgna plattafurma, deditgada a Voss domicil, a Voss manaschi u ad in eveniment che As interessa a moda particulara? Noss team po respunder Vossas dumondas e dar cussegl editorial e support tecnic. L’adressa è: nossaistorgia@rtr.ch