Surses - Surgôt, Chor viril da Surgôt,

Co en placat, invit per en Conzert igls 13 avregl 1947. Igl program cuntigniva tranter las canzungs er dus gis hilarics, "L'ierta d'en cart milliung" ed "igls franzos vignan". Betg mantger tar igl program digl chor viril surgôt era la sia canzung prefereida, "Desideri per la patria", da J.H. (?), noua , G. Mark cantava igl solo.

Igl Chor viril Surgôt ò existia digl onn 1932 anfignen igl onn 1970. Igls cantadours darivavan surtot dallas vischnancas da Surgôt, numnadamaintg da Rona anfignen Beiva. Conzerts davan els an la gronda e bela sala digl otel posta e liung agls Mulegns. Igl chor niva dirigia da scolast secundar Cyrill Brenn. Cyrill Brenn era ena personalitad tgi tgirava fitg l'istorgia an tala regiun, sot sia iniziativa ò igl Radio Rumantsch emess igls 2.9.1955 ena emissiun radiofonica sur da "Surgôt". Glè ena emissiun da gronda valeta istorica, fitg emotionala, per nossa vallada.