Savognin - calonda mars ca. 1920

Cò sen la foto vasibel igls ursigns da Savognin, tgiros digls pasters. Davos igls mattatschs gronds cun la cratla per rimnar igls ovs purschias dallas famiglias. Da chel taimp pudevan a Savognin, scu er an l'istorgia digl ursign ventilo, angal far part igl mats agl til da calonda mars. Nous vasagn co igls mattatschs cun lour plompas, stgellas e brunsignas avant la tgesa pravenda. Els vevan sa mess se per "scilinar" e far onour agl pader. Igls mattatschs da chel taimp, cunaschevan betg las blusas blavas e tgapitschignas cotschnas (ena moda tgi è pir impurtada igls davos onns no da Nagiadegna) mianc las flours scu decoraziun dallas plompas. Surtot vevan els fixo en lagn ved las plompas (en unsit tgi nous vagn anc cunaschia), per saveir scilinar pi exact e pi bagn. Davos ins vei la tgesa viglia da Tumasch Wasescha, tgi magna la banca cantunala a Savognin. Vasibel er igl furn ed igls abords da lagn. Tals eran ord muteivs da hygiena pustos sen igl sagond ni parfign terz plang. Tgi canoscha encal parsunga sen chesta fotografia?.. am faschess plascheir da saveir. .