Nus analisain da moda anonimisada las infurmaziuns da noss utilisaders per pudair porscher in meglier servetsch e satisfar a lur basegns. Questa pagina utilisescha er cookies per analisar per exempel las activitads sin la pagina.Vus pudais specifitgar en voss navigatur las cundiziuns d'archivaziun e d'access als cookies.
La pagina tetgala: historiaHelvetica
00:00:00
00:57:27

Emigrants da la Surselva en America

december 7th, 1966
Sendung für die Rätoromanen
Radiotelevisiun Svizra Rumantscha

En l'emissiun Radioscola fa Alfons Maissen in'intervista cun ses frar Augustin sur da emigrants. D'udir èn plinavant intervistas cun emigrants da la Surselva digl onn 1951.

Augustin Maissen aveva visità da lez temp las colonias da St. Pauli, Stillwater, St. Henry, Lake Badus, Ramona e Le Centre. El aveva dumandà sur dals antenats, l'emigraziun, las atgnas famiglias e las lavurs en il nov da chasa. Per part audan ils partenaris d'intervista gia tar la secunda generaziun. Inqualin sa anc discurrer bain rumantsch, auters pli pauc.

Tranter auter ha Maissen fatg intervistas cun ils suandants rumantschs:

Toni Wieland en Minnesota

A Minnesota aveva Maissen visità il 1966 in Sursilvan dad 86 onns. Il Toni Wieland ch'aveva ina fatschenta da maschinas agriculas. Durant 25 onns n'aveva el betg pli discurrì rumantsch. Quai aud ins vid ses rumantsch cun "slang" american.

Lucia Tambornino-Huonder e Filomena Simonet

A Le Center a Minnesota aveva Augustin Maissen visità duas dunnas. Lucia Tambornino-Huonder era emigrada il 1882 cun 11 onns da Segnas a Minnesota. Filomena Simonet era derivanta da Mumpé-Medel. Ses tat era gia emigrà il 1856 en l'America. Cunquai ch'ellas duas avevan adina discurrì rumantsch ina cun l'autra al telefon han ellas pudì mantegnair lur lingua materna.

Martia Tuor-Decurtins en South Dakota

In autra visita aveva Augustin Maissen fatg tar emigrants rumantschs a South Dakota. Quels s'udivan tranter ils pioniers ed ils emprims colonists en questa part da l'USA. Las planiras immensas eran anc libras e betg occupadas dad auters colonists. Ils purs survegnivan dal stadi ina concessiun gratuita per urbanisar ina part dal territori. Ina colonia da Rumantschs fundada il 1878 era quella al Lag Badus a Ramona en Minnesota. Maissen aveva discurrì cun Maria Tuor-Decurtins da quella colonia.

Ti stos esser connectà per agiuntar in commentari
Nagin commentari il mument
18 settember 2017
1,158 guardads
0 like
0 favurit
0 commentari
4 Collecziuns
00:57:27
Network:
Sponsurs:
16,186
810
© 2024 FONSART. Tut ils dretgs resalvads. Dissegnà da High on Pixels.